Kryeministri britanik, David Cameron, ka bërë thirrje për një betejë më të fuqishme kundër ideologjisë radikale të grupit militant Shteti Islamik, të cilin e ka cilësuar si kërcënimin më të madh ndaj botës.
Gjatë një adresimi në një konferencë mbi sigurinë në Bratisllavë të Sllovakisë, Cameron ka thënë se është e domosdoshme për secilin, nisur nga qeveritë, e deri te komunitetet dhe familjet, të bëjnë krejt çka është e mundur për të parandaluar radikalizimin dhe rekrutimin e të rinjve nga ana e ekstremistëve.