Qeveria e Libisë, e cila njihet ndërkombëtarisht, ka paralajmëruar shtetet evropiane se çdo anije që hyn në ujërat e Libisë pa leje, do të jetë shënjestër e sulmeve ajrore.
Paralajmërimi vjen pasi ministrat e jashtëm të Bashkimit Evropian kanë rënë dakord më 22 qershor që të nisin një operacion detar, për të luftuar kontrabanduesit e njerëzve, të cilët kanë sjellë mijëra migrantë nga Libia në Evropë.
Sigurimi i pëlqimit nga Libia, ku dy qeveri rivale dhe grupet e tyre të armatosura luftojnë për kontrollin e vendit, është shqetësim i madh për fuqitë evropiane.
Operacioni detar i BE-së, aktualisht, do të kufizohet në mbledhjen e informacioneve, pasi nuk e ka marrë ende autorizimin e Kombeve të Bashkuara.
