Sekretari i Përgjithshëm i NATO-s, Jens Stoltenberg ka paralajmëruar se akoma ka rrezik që në Ukrainë të zhvillohen luftime të ashpra dhe i ka bërë thirrje Moskës të ndalojë mbështetjen e saj për separatistët.
Stoltenberg këto deklarata i bëri në hapje të punimeve të Këshillit NATO-Ukrainë, të cilin aleanca e ka themeluar për të kordinuar marrëdhëniet me Kievin, pas përfundimit të Luftës së Ftohtë.
Luftimet në javët e fundit në lindje të Ukrainës, rrezikojnë që të prishin marrëveshjen e armëpushimit e cila u arrit në muajin shkurt në Minks.
“Shkeljet e armëpushimit vazhdojnë. Akoma ka rrezik se luftimet e ashpëra mund të rikthehen”, tha Stoltenberg.
“Rusia vazhdon të mbështesë separatistët pro-rusë me trajnime, armë dhe ushtarë. Ajo ka një numër të madh të forcave të stacionuara në kufirin e saj me Ukrainën”, shtoi ai.
Rusia mohon se është e përfshirë direkt në konflikt.
Stoltenberg tha se NATO vazhdon të jetë e përkushtuar për integritetin territorial dhe sovranitetin e Ukrainës, dhe se nuk do të njoh aneksimin “e paligjshëm të Krimesë” nga Rusia.