Ndërlidhjet

Putin: Do të vazhdojmë modernizimin e ushtrisë


Presidenti i Rusisë, Vladimir Putin.
Presidenti i Rusisë, Vladimir Putin.

Presidenti i Rusisë, Vladimir Putin, është zotuar se do të vazhdojë modernizimin e ushtrisë, duke thënë se “një ushtri e fuqishme, e pajisur me armë moderne, është garantuese e sovranitetit dhe integritetit territorial të Rusisë”.

Putin po ashtu ka thënë se Moska nuk ka qëllime agresive, por “synon të zgjidhë çdo marrëveshje me mjete politike, duke respektuar ligjin ndërkombëtar dhe interesat e vendeve të tjera”.

Planet ruse për modernizim të ushtrisë deri në vitin 2020 kapin vlerën e më shumë se 40 miliardë dollarëve.

Komentet e Putinit sot në Kremlin vijnë një ditë pasi shtetet anëtare të NATO-s janë pajtuar për rritjen e kapacitetit të forcës për përgjigje të shpejtë të Aleancës.

Marrëdhëniet midis Moskës dhe Perëndimit janë në pikën më të ulët që nga Lufta e Ftohtë, për shkak të ndërhyrjes së Rusisë në Ukrainë.

XS
SM
MD
LG