Mbretëresha e Britanisë, Elizabeth II, do të vizitojë sot kampin e përqendrimit të Luftës së Dytë Botërore në Bergen-Belsen, në Gjermani.
Kampi, ku adoleshentja Anne Frank, e njohur për ditarin e saj, ka qenë në mesin e mijëra të vdekurve, është çliruar nga ushtarët britanikë në vitin 1945.
Mbretëresha, e shoqëruar nga Duka i Edinburgut, do të vendosë kurora me lule atje.
Ajo kryen sot vizitën shtetërore katërditore në Gjermani.