Gjykata Supreme në Shtetet e Bashkuara ka deklaruar se çiftet e së njëjtës gjini kanë të drejtë të martohen në secilin shtet të SHBA-ve.
Çiftet gej dhe lezbike deri më tani kanë mundur të martohen në 36 shtete dhe në Distriktin e Kolumbias.
Presidenti Barack Obama e ka mirëpritur këtë vendim të Gjykatës Supreme, duke thënë se ai është një “hap i madh” drejt barazisë.
“Sot kemi bërë një hap të madh në marshimin tonë drejt barazisë. Çiftet lezbike dhe gej tashmë kanë të drejtë të martohen si të tjerët. #DashuriaFiton”, ka shkruar presidenti Obama në Twitter.