Ndërlidhjet

logo-print

Kuvajt: Nderime për të vrarët në xhami


Besimtarët në xhami pas sulmit vetëvrasës në Kuvajt

Besimtarët në xhami pas sulmit vetëvrasës në Kuvajt

Mijëra njerëz në Kuvajt kanë marrë pjesë në ceremonitë e varrimit për 27 njerëzit e vrarë dje nga një sulm vetëvrasës në një xhami shiite.

Afro 200 persona të tjerë ishin plagosur nga sulmi i djeshëm në xhaminë Imam Sadid në qytetin e Kuvajtit.

Policia tha se po zhvillohen hetime ndaj disa të dyshuarve, që mund të kenë lidhje me sulmuesin vetëvrasës. Përgjegjësinë për këtë sulm e ka marrë një grup i lidhur me militantët e Shtetit Islamik.

Policia e ka arrestuar pronarin e automobilit me të cilin është transportuar eksplozivi.

Mijëra sunitë dhe shiitë nga i gjithë Kuvajti kanë marrë pjesë në ceremonitë e varrimit dhe në lutjen në Xhaminë e Madhe në qytetin e Kuvajtit.

Shumë pjesëmarrës në varrim e bartnin flamurin e Kuvajtit, disa të tjerë e kishin marrë një flamur të zi për të shprehur pikëllim dhe dhembe.

Disa në masën e tuburar kanë brohoritur se “sunitët dhe shiitët janë vëllezër”.

XS
SM
MD
LG