Ndërlidhjet

Çeki: Vdiq legjenda e futbollit, Josef Masopust


Presidenti i FIFA-s Sepp Blatter (majtas) duke i uruar Masopustit ditëlindjen e 80-të

Presidenti i FIFA-s Sepp Blatter (majtas) duke i uruar Masopustit ditëlindjen e 80-të

Ish-futbollisti, JosefMasopust, i cili e udhëhoqi kombëtaren e ish-Çekosllovakisë në finalen e Kampionatit Botëror, në vitin 1962, dhe është konsideruar si futbollisti më i mirë i të gjitha kohërave në këtë vend, ka vdekur sot në moshën 84 vjeçare, pas sëmundjes së gjatë, ka njoftuar klubi i tij i dikurshëm, Dukla e Pragës.

Në vitin 1962 ai ishte shpallur lojtari më i mirë në Evropë, që ishte rasti i parë që këtë titull e fitonte një lojtar nga vendet e Evropës Lindore. Në vitin 2000 ai është zgjedhur futbollisti më i mirë çek i shekullit.

Në vitin 2004 njëri nga ish-futbollistët më të mirë në botë, braziliani Pele, e kishte përfshirë Masopustin në listën e tij të 125 lojtarëve më të mirë të gjallë në botë.

Në ndeshjen e përmendur finale të vitit 1962, Brazili e mundi Çekosllovakinë me rezultat 3:1, ndërsa golin e vetëm për çekosllovakët e dha Masopust.

Lidhur me këtë takim, Masopust i kishte treguar aagjencisë Reuters në vitin 2013, se për shkak se Pele në këtë ndeshje ishte i lënduar, ai u kishte thënë bashkëlojtarëve të tij që të mos e sulmojnë kur ai të jetë në pronësi të topit.

XS
SM
MD
LG