Ndërlidhjet

Rikthehet Ebola në Liberi, vdes një person


Ilustrim

Ilustrim

Një person ka vdekur nga Ebola në Liberi, duke shënuar rastin e parë prejse vendi është shpallur i pastër nga sëmundja.

Zëvendësministri i Shëndetësisë, Tolbert Nyenswah, ka thënë se testet kanë konfirmuar se 17-vjeçari ka vdekur nga virusi Ebola.

Ai ka thënë se zyrtarët janë duke hetuar se si ka ardhur deri tek infektimi i viktimës.

Liberia është shpallur e pastër nga Ebola gjashtë javë më parë.

Mbi 11,000 njerëz kanë vdekur nga kjo sëmundje qysh në dhjetor të vitit 2013, shumica e tyre në Liberi, Guine dhe Siera Leone.

Ky ka qenë shpërthimi më vdekjeprurës i Ebolës në histori.

XS
SM
MD
LG