Një shtetas i Malit të Zi është vrarë në luftën e Sirisë, ka njoftuar policia malazeze.
Siç transmeton Shërbimi i Ballkanit i Radios Evropa e Lirë, bëhet fjalë për Damir Sllakoviqin nga qyteti i Tivarit.
Raportohet se ai ka luftuar në anën e militantëve të Shtetit Islamik (IS).
Janë qindra qytetarë nga vendet e Ballkanit që po luftojnë përkrah grupeve të njohura ndërkombëtarisht si terroriste në Siri dhe Irak.
Mbi 40 qytetarë nga Kosova thuhet se kanë humbur jetën në këto luftime.
