Prona e qeverisë ruse në Shtetet e Bashkuara mund të konfiskohet pasi ish-aksionarët e kompanisë së naftës Yukos, kanë kërkuar kompensim prej miliadra dollarësh në gjykatat e SHBA-së, njofton Daily Telegraph nga Londra.
Ish-aksionarët e ish-kompanisë së Mikhail Khodorkovsky, janë duke kërkuar nga SHBA-të që të njohin dëmet nga qeveria ruse në vlerë prej 50 miliardë dollarësh, rast i nisur nga Gjykata e Përhershme e Arbitrazhit në Hagë në vitin 2014.
Nëse ka sukses, atëherë autortitetet amerikane do të autorizohen që të ngrijnë asetet e kësaj kompanie e cila është pronë e qeverisë ruse.
Për këtë rast, Kremlini nuk ka dashur të prononcohet. Zëdhënësi i presidentit Vladimir Putin, Dmitry Peskov ka thënë se ky rast është “çështje e avokatëve”.
Yukos ka qenë më herë kompania më e madhe e naftës në Rusi por u shpërbë pas burgosjes së Khodorkovskyt në vitin 2005 nën akuza për evasion fiskal, përvetësim dhe vjedhje.
Shumë asete të kësaj kompanie më pas janë blerë nga kompanitë shtetërore ruse.