Militantët e Shtetit Islamik kanë sulmuar forcat e sigurisë irakiane afër qytetit të dytë kryesor në provincën perëndimore të Anbarit.
Raportimet thonë se luftëtarët e grupit militant Shgteti Islamik, kanë përdorur makina me bomb për të sulmuar forcat qeveritare dhe aleatët e tyre, në qytetin e Khaldiyah, i cili ndodhet afër një baze ushtarake në mes të qyteteve Ramadi dhe Falluxha.
Një zyrtar policor citohet të ketë thënë se militantët e kanë marrë nën kontroll lagjen Al-Madiq në Khaldiyah “pas luftimeve të ashpëra me ushtrinë dhe policinë, të cilët më pas braktisën pozicionet e tyre”.
Grupi militant Shteti Islamik që prej fillimit të vitit 2014 ka marrë nën kontroll qytetin e Falluxhës dhe më pas ka pushtuar edhe Ramadin, në muajin maj.
Qeveria irakiane u ka bërë thirrje milicisë shiite, që të bashkohen me forcat irakiane, në ofenzivën kundër militantëve të Shtetit Islamik.
