Kryeministri i Kosovës, Isa Mustafa, ka pritur të enjten homologun e tij nga Republika, Edi Rama.
Gjatë takimit, ku ishin të pranishëm edhe zëvendëskryeministri i parë dhe ministri i Punëve të Jashtme i Kosovës, Hashim Thaçi, dhe ministri i Punëve të Jashtme i Shqipërisë, Ditmir Bushati.
Sipas një komunikate në lëshuar nga Zyra e kryeministrit Mustafa, thuhet se aty u bisedua për bashkëpunimin ndërmjet dy vendeve, koordinimin e projekteve dhe bashkëpunimit të dy shteteve në prag të Samitit të Vjenës si dhe zhvillimet në rajon.
Kryeministri Isa Mustafa e informoi kryeministrin Edi Rama për progresin që po arrihet në Kosovë në të gjitha fushat, me theks të veçantë për reformat dhe prioritetet e Qeverisë.
Po ashtu, Mustafa theksoi përkushtimin e Qeverisë së Kosovës për të zgjeruar bashkëpunimin dhe partneritetin strategjik me Shqipërinë, vijon komunikata.
Ndërkaq, kryeministri i Republikës së Shqipërisë, Edi Rama, vlerësoi progresin që po arrihet në Kosovë duke shprehur përkrahjen e Tiranës për proceset në Kosovë, duke theksuar përkushtimin e Qeverisë shqiptare për zgjerimin e mëtutjeshëm të bashkëpunimit me Kosovën, thuhet ndër tjera në këtë komunikatë.
Vizita e kryeministrit Rama nuk ishte paralajmëruar deri në momentin kur ai kishte zbritur në Aeroportin e Prishtinës.