Ndërlidhjet

Vriten 3 civilë dhe një ushtar në lindje të Ukrainës


Ushtarë ukrainas, foto nga arkivi

Ushtarë ukrainas, foto nga arkivi

Gjatë 24 orëve të fundit, në lindje të Ukrainës, raportohet se janë vrarë 3 civilë dhe një ushtar ukrainas.

Ministria e Brendshme tha se civilët janë vrarë kur rebelët pro-rusë kanë hapur zjarr në qytetin Avdiivka, që është nën kontrollin e forcave qeveritare. Qyteti është në lindje të Donjeckut, i cili kontrollohet nga rebelët.

Ushtria ukrainase ka thënë se ushtari i tyre u vra në rajonin fqinj të Luhanskut.

“Gjatë 24 orëve të fundit, gjendja në zonat e konfliktit është përkeqësuar”, thuhet në njoftimin e ushtrisë.

Ndërkaq, separatistët kanë akuzuar trupat qeveritare se kanë hapur zjarr në qytetet që ata i kontrollojnë.

Më shumë se 6,500 njerëz janë vrarë në luftimet në mes të forcave qeveritare ukrainase dhe separatistëve pro-rusë, që prej fillimit të tyre në prill të vitit 2014.

XS
SM
MD
LG