Ndërlidhjet

Bombardime në Bagdad – 26 të vrarë


Bagdad

Bagdad

Autoritetet irakiane kanë thënë se disa makina bombë kanë shpërthyer pranë tregjeve, kryesisht në qarqet e Bagdadit të banuara me shiitë, duke vrarë 26 persona dhe plagosur 58 të tjerë.

Sulmi i parë ka ndodhur në lagjen Al-Bayaa, ku janë vrarë 18 persona dhe janë plagosur 36 të tjerë.

Sulmi i dytë ka ndodhur në orët e vona të 22 korrikut, në Al-Shaab, lagje në verilindje të Bagdadit. Policia ka njoftuar se 8 persona kanë humbur jetën ndërkaq 22 janë plagosur.

Këto sulme vijnë një ditë pasi 19 persona u vranë gjatë një vale të bombardimeve të lagjeve të Bagdadit të banuara me shiitë.

Askush deri më tani nuk ka marrë përgjegjësinë për këto sulme.

Zonat e banuara me shiitë dhe forcat qeveritare irakane shpesh janë cak i sulmeve të grupit militant Shteti Islamik .

XS
SM
MD
LG