Ndërlidhjet

OKB dhe SHBA e dënojnë vrasjen e fëmijës palestinez


Palestinezët duke i shikuar shtëpitë e tyre të djegura nga zjarri që është shkaktuar nga ekstremistët hebrenjë

Palestinezët duke i shikuar shtëpitë e tyre të djegura nga zjarri që është shkaktuar nga ekstremistët hebrenjë

Kombet e Bashkuara dhe Shtetet e Bashkuara e kanë dënuar sulmin me zjarrvënie të qëllimshme në një shtëpi në Bregun Perëndimor nga ekstremistët e dyshuar hebrenjë, me ç’rast është vrarë një fëmijë palestinez.

Zyra e sekretarit të përgjithshëm të Kombeve të Bashkuara, Ban Ki-moon, tha mbrëmë vonë se ky ishte “akt terrorist” dhe e ka fajësuar dështimin e Izraelit për t’i dënuar aktetet e përsëritura të dhunës se kolonëve .

Shtëpia e Bardhë këtë e ka përshkruar si sulm të “egër”.

Dje, sulmuesit ia kanë vënë flakën dy shtëpive në Bregun Perëndimor, me ç’rast është vrarë një fëmijë palestinez 18 muajsh, i cili ishte në gjumë.

Kryeministri izraelit, Benjamin Netanyahu, e ka dënuar këtë “sulm terrorist” dhe tha se do të përdoren “të gjitha mjetet” që ata që e kanë kryer këtë sulm të sillen para drejtësisë.

Policia e Izraelit ka thënë se ekstremistët hebrenjë me “motive nacionaliste” janë të dyshuar për zjarrvënie.

Autoriteti palestinez e ka fajësuar Izraelin për “vazhdimin e vendbanimeve dhe mbrojtjen e kolonëve”.

XS
SM
MD
LG