Ndërlidhjet

Të paktën 22 persona janë vrarë në Bagdad të Irakut më 15 gusht, pas një serie sulmesh me bomba.

Në qarkun Habibiya që është i banuar kryesisht me shiitë janë vrarë të paktën 13 persona.

Një seri e bombardimeve ka vrarë të paktën edhe 9 persona të tjerë, nëpër lagje të ndryshme të Bagdadit.

Asnjë grup deri më tani nuk ka marrë përgjegjësinë për këto sulme por militantët e Shtetit Islamik së fundmi kanë nisur një ofenzivë me bombardime në Bagdad dhe në provinca të tjera, duke pasur për cak myslimanët shiitë.

Më 13 gusht, të paktën 62 persona u vranë në të njëjtën zonë, pasi një kamion i mbushur me eksploziv shpërtheu në një treg të mbushur me njerëz. Shteti Islamik ka marrë përgjegjësinë për këtë sulm.

XS
SM
MD
LG