Ndërlidhjet

Putin: Tatarët s’duhet të kërkojnë status të posaçëm


Vladimir Putin

Vladimir Putin

Presidenti rus Vladimir Putin ka paralajmëruar minoritetin etnik të tatarëve se ata nuk duhet të përpiqen të kërkojnë status të posaçëm në Gadishullin e Krimesë, të cilën Moska e aneksoi nga Ukraina vitin e kaluar.

Myslimanët tatërë përbëjmë më shumë se 10 për qind të popullsisë së Krimesë dhe ata kanë kundërshtuar aneksimin e Rusisë. Ata janë nën presion që t’i nënshtrohen autoriteteve të reja që prej aneksimit.

Në një vizitë tre-ditore në Krime, me qëllim të promovomit të turizmit dhe zhvillimit, Putini u takua me përfaqësues të minortiteve të ndryshme, përfshirë edhe tatarët, në njëfshat në Opolznevoye.

“Marrëdhëniet ndëretnike janë çështje e ndjeshme”, ka thënë Putini.

“Mendoj se çdo pretendim për ndonjë lloj statusi të posaçëm për ndonjë etnitet të caktuar është gjë jashtëzakonisht e rrezikshme”, ka shtuar më tej ai.

Putini ka sugjeruar se vendet e huaja kanë mbështetur aktivistë për të drejtat e njeriut në përpjekje “për të destabilizuar situatën”, duke potencuiar problemet me të cilat përballen tatarët e Krimesë, të cilët janë grupi i tretë më i madh etnik, pas rusëve dhe ukrainasve.

Ai tha se Moska nuk do të lejojë një gjë të tillë.

“Ju e dini shumë mirë për çka e kam fjalën. Është një numër i konsiderueshëm i personave që e quajnë veten aktivistë për të drejtat e njeriut dhe ata marrin grante të huaja për të realizuar qëllimet e tyre, përfshirë edhe qëllimet politike”.

“Krimea është pasqyrë e Rusisë multietnike. Këtu, si dhe në Rusi, ne duhet të punojmë shumë në ndërtimin e paqes dhe harmonisë dhe kjo bëhet me punën e përbashkët të autoriteteve dhe shoqërisë civile”, tha Putin duke shtuar se “prandaj e konsideroj këtë takim me ju si shumë të rëndësishëm”.

XS
SM
MD
LG