Kryeministri i ë Kosovës, Isa Mustafa, i shoqëruar nga ministri i Infrastrukturës, Lutfi Zharku, ka vizituar të enjten punimet në realizimin e projektit të autostradës Prishtinë - Hani i Elezit.
“Kryeministri Mustafa u njoftua nga zyrtarët e kompanisë ndërtuese për ecurinë dhe procesin e punimeve në segmente të caktuara të projektit”, thuhet në njoftimin e zyrës së tij.
Mustafa ka vlerësuar punën që po kryhet dhe ka theksuar rëndësinë që ka për Kosovën ky projekt infrastrukturor.
Projekti i ndërtimit të autostradës Prishtinë - Hani i Elezit ka filluar në korrik të vitit 2014.