Presidenti i Shteteve të Bashkuara, Barack Obama, ka thënë se ai dhe Zonja e Parë, Michelle, po luten për shëndetin e ish-presidnetit Jimmy Carter.
Obama i ka bërë këto komente në Twitter, pasi Carter ka bërë të ditur se do të fillojë trajtimin e kancerit në tru.
Carter, 90 vjeç, ka thënë se kanceri që ka hequr nga mëlçia javën e kaluar, është përhapur në tru.
Ai ka thënë se fati i tij është në “duart e Zotit” dhe se ai ka pasur “jetë të mrekullueshme”.
Si president i 39-të i Amerikës, Carter ka shërbyer një mandat, nga viti 1977 deri më 1981.