Autoritetet ruse kanë filluar të heqin të gjitha mjetet e huaja të higjienës nga dyqanet, duke pretenduar se ato paraqesin rrezik për shëndetin.
Agjencia për Mbrojtjen e Konsumatorit ka thënë se inspektimet e fundit të artikujve nga firmat Colgate, Palmolive dhe Procter & Gamble kanë gjetur nivele të larta të përbërësve toksikë.
Deri më tash nuk ka pasur ndonjë reagim nga kompanitë në fjalë.
Moska, në fillim të këtij muaji, ka zgjeruar ndalesën e importeve të ushqimit nga vendet e Bashkimit Evropian dhe të tjera, si përgjigje ndaj sanksioneve të Perëndimit.
Ky i fundit ka sanksionuar Rusinë për shkak të ndërhyrjes së saj në Ukrainë.
