Bullgaria do të kryejë stërvitje ushtarake pranë kufirit me Maqedoninë pas rritjes së numrit të migrantëve në shtetet e Ballkanit.
Shefja e Stafit në Ministrinë e Mbrotjes, Valeria Kardashevska i ka thënë agjencisë Reuters se situata në Maqedoni, Greqi dhe Serbi “është mjaft e komplikuar dhe ne duhet të reagojmë në mënyrë parandaluese”.
Më shumë se 5,000 migrantë kanë shkuar në Serbi nga Maqedonia më 23 gusht, për të vazhduar rrugën e tyre drejt vendeve të Bashkimit Evropian, pasi shteti maqedonas hoqi dorë që të ndalojë me forcë migrantët.
Vetëm në muajin korrik, nga Turqia kanë shkuar 50,000 migrantë në Greqi.
