Ndërlidhjet

SHBA: Marrëveshjet do ta përmirësojnë jetën e qytetarëve


Departamenti amerikan i shtetit i ka uruar “liderët e Serbisë dhe Kosovës dhe delegacionet e tyre, për arritjen e marrëveshjeve të rëndësishme, të lehtësuara nga përfaqësuesja e BE-së, Federica Mogherini”, ka thënë mbrëmë zëdhënësi, John Kirby.

Mëtutje, në faqen në Internet të Departamentit amerikan të shtetit, zëdhënësi Kirby e “lavdëron” edhe zonjën Mogherini dhe ekipin e saj.

“Marrëveshjet e finalizuara për energji, telekomunikime, krijimin e Asociacionit/Komunitetit të komunave serbe, dhe për Lirinë e lëvizjes/Ura e Mitrovicës, do ta përmirësojnë jetën e popullit në të dy vendet”, po ashtu, thuhet në deklaratë.

“Shtetet e Bashkuara i lavdërojnë të dy qeveritë për progresin e arritur në plotësimin e përkushtimeve, që janë bërë në Marrëveshjen e Brukselit dhe për ujditë në Dialog, që i lëvizin përpara vendet e tyre më afër normalizimit të raporteve së bashku me rrugën përkatëse në BE”, thotë zëdhënësi, John Kirby, dhe shton se “Shtetet e Bashkuara, po ashtu, e përshëndesin dedikimin e të dy palëve në këtë proces dhe do të vazhdojnë që fuqishëm ta mbështesin Dialogun e lehtësuar nga BE-ja”.

XS
SM
MD
LG