Luftëtarët talibanë kanë marrë kontrollin e një qyteti strategjik në provincën Helmand të Afganistanit, pavarësisht sulmeve ajrore të SHBA-së.
Musa Kala, dikur pozicion i rëndësishëm i NATO-s, është qyteti i dytë në Helmand që bie në duart e talibanëve, gjatë javëve të fundit.
Grupi militant ka marrë edhe kontrollin e qytetit Navzad.
Në jug të Helmandit, po ashtu sot, dy ushtarë të NATO-s janë vrarë kur dy persona me uniforma të ushtrisë afgane kanë hapur zjarr në një bazë ushtarake.
Nacionaliteti i viktimave nuk është bërë i ditur.
