Presidenti i Shteteve të Bashkuara, Barack Obama, ka thënë se Nju Orleansi është duke “shkuar përpara”, dhjetë vjet pas shkatërrimit nga uragani Katrina.
“Ju jeni një shembull i asaj që është e mundur kur njerëzit mblidhen së bashku në tragjedi dhe vështirësi”, u ka thënë Obama të pranishmëve në Qendrën e Komunitetit Andrew P Sanchez, në lagjen Lower Ninth Ward.
Kjo lagje, e banuar kryesisht me afrikano-amerikanë, vazhdon të rimëkëmbet nga stuhia e vitit 2005.
Uragani Katrina ka vrarë afro 2,000 njerëz dhe ka zhvendosur një milion.