Presidenti i Iranit, Hassan Rohani, e ka kundërshtuar votimin parlamentar për marrëveshjen atomike të arritur me gjashtë fuqitë botërore.
Sipas marrëveshjes së nënshkruar më 14 korrik të këtij viti në Vjenë, sanksionet e Shteteve të Bashkuara, Bashkimit Evropian dhe të vendeve të tjera, do të tërhiqen gradualisht në këmbim për kufizimin e aktiviteteve bërthamore iraniane, meqë perëndimi ky dyshime se ky program ka për qëllim zhvillimin e armatimit atomik.
Në një konferencë të djeshme për gazetarë në Teheran, zoti Rohani tha se marrëveshja është mirëkuptim politik i arritur me fuqitë botërore, e jo pakt i ri që kërkon miratim parlamentar.
Mëtutje, Rohani ka thënë se kapaciteti ushtarak i Iranit nuk është prekur nga kjo marrëveshje, duke theksuar se “ne do të bëjmë çdogjë që duhet për ta mbrojtur vendin tonë, qoftë me raketa ose metoda të tjera”.