Tetë persona kanë vdekur pas zjarrit në një banesë në Paris, dhe policia po hetojnë nëse ky zjarr ishte i qëllimshëm, njoftuan zyrtarët.
Disa nga viktimat vdiqën teksa po mundoheshin të dilnin nga dritaret, në atë që cilësohet se është zjarri më vdekjeprurës në kryeqytetin francez që një dekadë.
Në mesin e të vdekurve janë dy fëmijë, dhe katër të mbijetuar janë shtrirë në spital.
Më shumë se 100 zjarrfikës u deshën të shuajnë zjarrin.
Edhe presidenti i Francës, Francois Hollande lëshoi një deklaratë për media ku premtoi se do të bëhen të gjitha përpjekjet e nevojshme për të zbardhur rastin.
Ky ishte zjarri më vdekjeprurës në Paris që nga viti 2005, kur zjarri në një hotel la të vdekur 24 persona, 11 prej tyre fëmijë.