Ndërlidhjet

PE kërkon lirimin e Ismayilovës


Khadija Ismayilova

Khadija Ismayilova

Ligjvënësit evropianë kanë miratuar një rezolutë që bën thirrje për lirimin e menjëhershëm dhe pa kushte të gazerares hulumtuese të Azerbajxhanit, Khadija Ismayilova, dhe të aktivistëve të tjerë azerbajxhanas.

Ismayilova, kontribuese në Radion Evropa e Lirë, është dënuar më 1 shtator me shtatë vjet e gjysmë burgim, nën akuzat për shpifje, evazion fiskal dhe aktivitete të paligjshme biznesore.

Megjithatë, akuzat shihen gjerësisht si hakmarrje e regjimit për raportet e saj për korrupsion në Qeverinë e Azerbajxhanit.

Rezoluta e Parlamentit Evropian u bën thirrje autoriteteve të BE-së që “të kryejnë një hetim të plotë të akuzave për korrupsion kundër presidentit Ilham Aliyev dhe anëtarëve të familjes së tij”.

Ajo po ashtu kërkon nga Komisioni i BE-së dhe vendet anëtare të BE-së të marrin në konsideratë sanksione dhe ndalesa udhëtimi për të gjithë politikanët, zyrtarët dhe gjyqtarët azerbajxhanas, të përfshirë në përndjekjet politike.

Teksti i rezolutës është mbështetur nga të gjitha partitë politike në Parlament, përveç Partisë Evropiane Popullore të krahut të djathtë.

XS
SM
MD
LG