Mbi 100,000 njerëz janë larguar nga shtëpitë e tyre në verilindje të Japonisë, pasi shirat e rrëmbyeshëm kanë shkaktuar përmbytje dhe rrëshqitje dheu.
Qyteti Joso, në veri të Tokios, është goditur më së rëndi, pasi lumi Kinugava ka dalë nga shtrati.
Ekipet e shpëtimit i kanë nxjerrë njerëzit me helikopterë nga çatitë.
Së paku shtatë njerëz raportohen të zhdukur dhe 17 të plagosur.
Shirat kanë ardhur pas stuhisë tropikale Etau, e cila ka përfshirë gjithë Japoninë qendrore.