Ndërlidhjet

logo-print

Nemstov, Savchenko nominohen për Çmimin Sakharov


Boris Nemtsov (djathtas) dhe Nadiya Savchenko.

Boris Nemtsov (djathtas) dhe Nadiya Savchenko.

Politikani i vrarë i opozitës ruse, Boris Nemtsov, dhe pilotja e burgosur ukrainase, Nadia Savchenko, janë në mesin e të nominuarve për Çmimin Sakharov 2015.

Çmimi, në vlerë prej 50,000 eurosh, i themeluar nga Parlamenti Evropian në vitin 1988, ndahet çdo vit tek individë ose grupe të njerëzve që i kanë kushtuar jetën mbrojtjes së të drejtave të njeriut dhe lirisë së mendimit.

Nemtsov, ish-zëvendëskryeministër i Rusisë, është vrarë në shkurt të vitit 2015.

Ai ka qenë kritik i zëshëm i presidentit rus, Vladimir Putin.

Savchenko thotë se është kapur në vitin 2014 nga rebelët pro-rusë në lindje të Ukrainës dhe është dorëzuar në Rusi, ku po gjykohet nën akuzat për pjesëmarrje në vrasjen e dy gazetarëve rusë.

Të nominuarit përfshijnë edhe ish-kontraktorin e CIA-s, Edward Snowden, dhe disa të tjerë.

Fituesi do të shpallet në muajin tetor.

XS
SM
MD
LG