Rreth 40,000 migrantë mund të arrijnë në Gjermani këtë fundjavë, paralajmërojnë zyrtarët.
Shumica pritet të zbarkojnë në qytetin jugor të Mynihut.
Kryetari i Mynihut , Dieter Reiter, u ka bërë thirrje urgjente rajoneve të tjera të Gjermanisë për të bërë më shumë në sistemimin e refugjatëve.
Rreth 4,000 trupa janë duke u shpërndarë në gjithë rajonin e Gjermanisë për mbështetje logjistike.
Ky shtet tashmë është bërë destinacioni kryesor për refugjatët sirianë.
Komisioni Evropian, me mbështetjen e Gjermanisë, ka propozuar shpërndarjen e 160,000 azilkërkuesve në vit në gjithë BE-në, bazuar në kuota të detyrueshme.
Por, Republika Çeke, Hungaria, Polonia dhe Sllovakia e kundërshtojnë këtë plan.