Agjencia për Refugjatë e Kombeve të Bashkuara ka thënë të hënën se secili vend ka të drejtë të mbrojë kufijtë e tij, por, megjithatë, ka shprehur shqetësim se muri me tela i Hungarisë në kufi me Serbinë mund të kufizojë të drejtat e atyre që kërkojnë azil.
“Ne e njohim të drejtën e secilit vend për të mbrojtur kufijtë me mjete dhe metoda që janë të nevojshme”, ka thënë zëdhënësi i UNHCR-së, Erno Simon.
Por, pasi Hungaria ka mbyllur pikëkalimin kryesor për migrantët në kufi me Serbinë, Simon ka thënë se “është shumë e rëndësishme” që të mos vendoset asnjë barrierë për njerëzit që ikin nga lufta dhe persekutimi.
Lexoni edhe këtë.