Ndërlidhjet

Moskë: Për Sirinë, i nevojshëm dialogu SHBA – Rusi


Dmitry Peskov

Dmitry Peskov

Zëdhënësi i Kremlinit, Dmitry Peskov, ka thënë se dialogu ndërmjet Moskës dhe Uashingtonit, për zgjidhjen e krizës në Siri, është i domosdoshëm.

Këto komente ai i ka bërë sot, pasi është pyetur se a janë të mundshme bisedimet për Sirinë, ndërmjet presidentit të Rusisë, Vladimir Putin, dhe atij amerikan, Barack Obama.

Kjo çështje u aktualizua pas raporteve për shtimin e pranisë ushtarake ruse në Siri.

Ushtria e Shteteve të Bashkuara tha dje se lëvizjet e Rusisë afër qytetit sirian, Latakia, sugjerojnë se Moska planifikon ndërtimin e “një baze operuese ajrore” atje.

Zëdhënësi i Pentagonit, Jeff Davis, tha se atje ka pasur lëvizje të vazhdueshmme të njerëzve dhe pajisjeve në territorin brregdetar.

Rusia, që është aleati kryesor i presidentit të Sirisë, Bashar al-Assad, thotë se shtimi i aktivitetit të saj ushtarak, përfshirë edhe vendosajen e specialistëve ushtarakë rusë për stërvitjen e forcave të Sirisë, është pjesë e përpjekjeve ndërkombëtare për t’i shkaktuar disfatë terrorizmit.

XS
SM
MD
LG