Ndaj kryeministrit të Rumanisë, Viktor Ponta edhe zyrtarisht janë ngritur akuza për korrupsion, përfshi evazionin fiskal dhe shpëlarje të parave.
Ponta, 42 vjeçar, është akuzuar që nga gushti i këtij viti, por ai në mënyrë të vazhdueshme ka mohuar akuzat ndaj tij dhe ka thënë se prokurorët po e “manipulojnë opinionin publik.”
Prokuroria e Rumanisë ka mbyllur hetimet e saj dhe tashmë ka dërguar lëndën tek gjykata më e lartë e shtetit.
Kryeministri Ponta ka refuzuar të jap dorëheqje, duke thënë se dëshiron të mbetet në pushtet deri në zgjedhjet e ardhshme parlamentare, që planifikohen të mbahen në dhjetor të 2016-s.
Prokurorët thonë se Ponta kishte harruar të deklaronte shpenzimet prej 45 mijë dollarëve, të një firme juridike, e aleatit të tij Dan Sova, ndaj të cilit gjithashtu janë ngritur akuzat.