Autoritetet e Meksikës kanë thënë se kanë arrestuar udhëheqësin e një bande, i cili, sipas tyre, ka pasur rolin kyç në zhdukjen e 43 studentëve, vitin e kaluar, në rajonin Guerreo.
Qeveria ka thënë se Gildardo Lopez Astudillo, i njohur si “El Gil”, është lideri i kartelës së drogës Guerreros Unidos.
Dyshohet se ai ka dhënë urdhër për rrëmbimin dhe vrasjen e studentëve.
Deri më tash janë bërë 111 arrestime për zhdukjen e tyre.
Zyra e Prokurorit të Përgjithshëm në Meksikë ka thënë se Guerreros Unidos ka menduar se studentët janë anëtarë të një bande rivale dhe më pastaj i ka vrarë dhe djegur trupat e tyre.