Ndërlidhjet

Parada e Krenarisë nëpër rrugët e Beogradit

  • RFE /RL

Parada e homoseksualëve në Beograd, përfundoi e qetë dhe pa incidente.

Marshimi përfundoi para ndërtesës së Kuvendit të Qytetit të Beogradit, ndërsa para pjesëmarrësve fjalë të mbështetjes shprehën përfaqësuesit e komunitetit LGBT nga Shtetet e Bashkuara, Britania dhe Mali i Zi.

Gjatë kësaj parade u mbajt “një minutë ulurimë”, siç u tha, kundër padrejtësive që po u bëhen migrantëve.

Parada e komunitetit LGBT (Lesbike, homoseksual, biseksual dhe transgjinor) u mbajt nën masa të shtuara të policisë, për shkak të dhunës e cila pati shpërthyer në vitin 2010.

Para një viti homoseksualët dhe lesbiket e Serbisë e mbajtën paradën e tyre të parë pa incidente dhe ky zhvillim ishte parë si test i përkushtimit të këtij vendi, që shpreson të integrohet në Bashkimin Evropian, për mbrojtjen e të drejtave të komuniteteve pakicë.

Në paradën e parë të homoseksualëve në Serbi, në mars të vitit 2010, nacionalistët e linjës së fortë i patën sulmuar pjesëmarrësit dhe ishin përleshur me policinë, me ç’rast ishin plagosur 150 vetë.

Kjo kishte ndikuar që autoritetet të mos e lejonin mbajtjen e paradës për tre vjet.

Organizuesit për këtë vit e kanë lavdëruar atë që ata e kanë cilësuar si pritje më të ngrohtë të kësaj ngjarjeje.

Më poshtë mund të shihni rrugët e Beogradit në masa të shtuara policore para nisjes së paradës.

XS
SM
MD
LG