Lideri i ri i talibanëve ka thënë se paqja në Afganistan mund të arrihet vetëm pasi të largohen të gjitha forcat e huaja.
Mullah Akhtar Mansur ka thënë se të gjitha marrëveshjet ekzistuese ushtarake dhe të sigurisë, midis Qeverisë në Kabul dhe vendeve të tjera, duhet të anulohen.
Ai i ka bërë këto komente përmes një deklarate të lëshuar përpara Festës së Bajramit.
NATO u ka dhënë fund të gjitha operacioneve luftarake në Afganistan në dhjetor të vitit 2014, duke tërhequr shumicën e trupave.
Megjithatë, disa mijëra kanë mbetur atje për të trajnuar forcat afgane.
Mullah Mansur u ka bërë po ashtu thirrje talibanëve që të jenë të bashkuar dhe të injorojnë “propagandën e armikut” për përçarje midis talibanëve.