Presidenti i Turqisë, Recep Tayyip Erdogan, dhe udhëheqësi palestinez, Mahmud Abbas, ndodhen në Rusi për hapjen e një xhamie të re në Moskë.
Presidenti rus, Vladimir Putin, lideri çeçen, Ramzan Kadyrov, dhe ambasadori i Shteteve të Bashkuara në Rusi, John Tefft, po ndjekin po ashtu ceremoninë e hapjes.
Erdogan do të takohet edhe me Putinin.
Xhamia e re, gjashtëkatëshe, do të akomodojë deri në 10,000 besimtarë dhe është xhamia e tretë më e madhe në Rusi, pas atyre në Makaçkala dhe Grozni.
Hapja e xhamisë së re vjen në prag të Festës së Kurban Bajramit.
Islami është feja e dytë më e madhe në Rusi.