Kryeministri i Kosovës, Isa Mustafa, me rastin e Festës së Kurban Bajramit, ka uruar besimtarët myslimanë dhe Bashkësinë Islame të Kosovës.
“Festa e Kurban Bajramit, ashtu si festat e tjera fetare, na bashkon në familje, na bashkon me farefisin, na bashkon me miqtë tanë”.
“Uroj që edhe kjo festë të jetë festë e unitetit, e arsyes, që ne bashkërisht të zgjidhim problemet e këtij vendi, ta ndërtojmë Kosovën vend të mirëqenies, vend të zhvillimit dhe vend ku çdo qytetar do ta ndjente veten mirë”, thuhet pos tjerash në urimin e kryeministrit Mustafa.