Ndërlidhjet

Siri: Franca e ka ndërmarrë sulmin e parë ajror kundër IS-it


Aeroplanët luftarakë francezë të tipit Rafaele
Aeroplanët luftarakë francezë të tipit Rafaele

Observatori sirian për të drejtat e njeriut me seli në Londër, thotë se nga sulmi i parë ajror i Francës kundër grupit militant, Shteti Islamik, në Siri, janë vrarë së paku 30 militantë, përfshirë 12 fëmijë të armatosur, dhe janë plagosur afro 20 pjesëtarë të grupit ekstremist.

Sulmi kundër një kampi të grupit ekstremist, Shteti Islamik, në pjesën lindore të Sirisë, ishte kryer më 27 shtator.

Presidenti i Francës, Francois Hollande, tha se 6 aeroplanë luftarakë e kanë shkatërruar një kamp në provincën Deir al-Zur dhe se më tepër sulme do të ndermerren gjatë javëve të ardhshme.

Ministri i mbrojtjes i Francës, Jean-Yves Le Drian, tha se cak i sulmit ishte “baza strategjike” për militantët që udhëtonin ndërmjet Irakut dhe Sirisë.

Ai theksoi se Franca ka dëshmi se luftëtarët e jashtëm ishin stërvitur në kampet në Siri, për të ndërmarrë sulme në Evropë.

Më herët, Franca i ka kufizuar sulmet ajrore kundër militantëve të Shtetit Islamik në Irak.

XS
SM
MD
LG