Ndërlidhjet

Shtetet anëtare të Kombeve të Bashkuara kanë shtyrë fraksionet luftarake në Libi për të rënë dakord për një marrëveshje të ndërmjetësuar nga OKB-ja me një premtim për ndihmë ndërkombëtare për rindërtimin e vendit .

Ata kanë kërkuar që t’i jepet sa më shpejtë fund konfliktit në Libi.

Pas negociatave që kanë zgjatur disa muaj, komisionari i OKB-ës, Bernardino Leon u ka dorëzuar dyja palëve draftin final të paqes, që ka për qëllim ndaljen e konfliktit mes qeverisë dhe grupeve të armatosura.

“Nuk ka kohë për të humbur. Ne të gjithë e dimë se hezitimi mund të sjell vetëm kërcënime tjera,” ka thënë sekretari amerikan i shtetit, John Kerry, në margjinat e Asamblesë së Përgjithshme të OKB-ës.

Presidenti amerikan Barack Obama ka thënë se bota është dashur të bëjë më shumë për të shmangur vakuumin institucional në Libi, ku i ashtuquajturi Shtet Islamik është pozicionuar në qytetin Sirte.

XS
SM
MD
LG