Presidenti i Ukrainës, Petro Poroshenko, ka thënë se në lindje të vendit ka nisur “armëpushim i vërtetë”, por ka shtuar se paqja është ende e brishtë.
Duke iu adresuar disa studentëve në Kiev, Poroshenko ka thënë se fundi i luftës do të vijë “kur pjesa e fundit e tokës së Ukrainës të çlirohet nga armiku, uzurpuesi dhe pushtuesi”.
Marrëveshja për armëpushim në Ukrainë, e arritur në muajin shkurt në Minsk, është shkelur shpesh, por është respektuar gjerësisht gjatë muajit të fundit.
Konflikti midis forcave qeveritare të Ukrainës dhe separatistëve pro-rusë ka marrë mbi 7,900 jetë njerëzish qysh në prill të vitit 2014.