Ndërlidhjet

SHBA dhe Rusia do të bisedojnë për sigurinë ajrore


Ilustrim

Ilustrim

Rusia është pajtuar që të rifillojë bisedimet me Shtetet e Bashkuara për sigurinë ajrore gjatë fushatës së bombardimeve në Siri.

Bisedimet ka gjasa të zhvillohen këtë fundjavë, ka thënë se sekretari për media i Pentagonit, Peter Cook.

Ka pasur shqetësime se mund të ketë përplasje aksidentale, pasi të dyja vendet janë duke kryer bombardime të ndara në Siri.

SHBA-ja dhe aleatët e saj janë alarmuar po ashtu me shkeljen e hapësirës ajrore të Turqisë nga avionët rusë.

Zyrtarët amerikanë dhe rusë kanë zhvilluar bisedime për sigurinë ajrore nëpërmjet një video-konference më 1 tetor, por SHBA ka thënë se nuk ka dëgjuar asgjë nga Moska qysh atë ditë.

Rusia ka nisur sulmet ajrore kundër, siç thotë, militantëve të Shtetit Islamik më 30 shtator.

SHBA-ja dhe aleatët e saj dyshojnë se Rusia po bombardon edhe grupet e tjera rebele që kundërshtojnë regjimin e presidentit sirian, Bashar al-Assad.

XS
SM
MD
LG