Është sulmuar shtëpia e kryetarit të komunës së Leposaviqit, Dragan Jabllanoviq, por nuk ka të lënduar në njerëz.
Lajmi është konfirmuar për Radion Evropa e Lirë, nga zëvendës drejtori i policisë së Kosovës, për rajonin e veriut, Besim Hoti.
Ngjarja ka ndodhur në mëngjesin e sotëm rreth orës 02:10 në fshatin Soçanicë të Leposaviqit.
Hoti, ka thënë se një granatë dore është hedhur në oborrin e shtëpisë së Dragan Jabllanoviq duke shkaktuar dëme materiale.
Sipas Hotit, njësitë përkatëse të policisë kanë dalë menjëherë në vend-ngjarje dhe janë duke punuar intensivisht në zbardhjen e incidentit.