Qendra Klinike Universitare e Kosovës ka konfirmuar se si pasojë e përleshjeve mes protestuesve dhe policisë, në Klinikën Emergjente ndihmë mjekësore kanë këruar 15 persona.
Prej tyre, 14 të plagosur janë policë, ndërsa 1 qytetar.
Lëndimet kanë qenë kryesisht të ekstremiteteve të poshtme dhe gërvishtje në fytyrë dhe asnjëri nga të lënduarit nuk ka qenë në rrezik jete, thuhet në njoftimin e QKUK-së.
Të plagosurit thuhet se janë nga Prishtina, Ferizaj, Obiliqi, Lipjani, Prizreni, Malisheva dhe Vushtrria.
Të gjithë të plagosurit, pas ndihmës mjekësore dhe trajtimit në kuadër të Klinikës Emergjente, janë liruar.