Oscar Pistorius do të lirohet me kusht më 20 tetor.
Ky vendim vjen rreth një vit pasi atleti olimpik është dënuar me pesë vjet burgim për vrasjen e së dashurës së tij, Reeva Steenkamp.
Departamenti i Shërbimeve Korrektuese në Afrikën e Jugut ka thënë sot se Pistorius do të vendoset në arrest shtëpiak nga data 20 tetor.
Pistorius ndodhet në burg në Pretoria.
Sipas ligjit të Afrikës së Jugut, një i dënuar me pesë ose më pak vjet burgim mund të lirohet me kusht pasi shërben një të gjashtën e dënimit.
