Presidentja e Kosovës, Atifete Jahjaga ka filluar serinë e takimeve me liderët e partive politike në përpjekje për tejkalimin e bllokadës në Kuvend.
Fillimisht, ajo ka pritur kryetarin e Kuvendit Kadri Veseli, kurse gjatë ditës, do të takohet edhe me Kryeministrin Isa Mustafa.
Po ashtu, Jahjaga synon që të takohet veç e veç me liderët e të gjitha partive politike parlamentare në vend për të diskutuar rreth gjetjes së një zgjidhjeje politike per krizën e krijuar.
Duke pas parasysh tensionet në raportet pozite-opozite, Jahjaga planifikon të realizojë takime të ndara edhe me shefat e grupeve parlamentare.