Ndërlidhjet

logo-print

Ambasada Amerikane dhuroi pajisje për Policinë Kufitare dhe Doganën


Pamje nga takimi.

Pamje nga takimi.

Ambasada Amerikane në Prishtinë, përmes Programit për Kontroll të Eksportit dhe çështjet lidhur me Sigurinë e Kufijve (EXBS) ka bërë dorëzimin e donacionit, pajisje për Policinë Kufitare dhe Doganën e Kosovës.

Lajmi është konfirmuar nga Ministria e Brendshme e Kosovës.

Në ceremoninë e pranim-dorëzimit të këtij donacioni në vlerë prej 392,000 dollarësh ishte i pranishëm ministri i Punëve të Brendshme, Skender Hyseni, ministri i Financave Abdullah Hoti dhe ambasadori i SHBA-ve në Kosovë, Greg T. Delawie.

Me ketë rast, ministri Hyseni tha se“Shtetet e Bashkuara të Amerikës i kanë dhënë Kosovës, përkrahje e pazëvendësueshme në ndërtimin e institucioneve, në ndërtimin e kapaciteteve për tu konfrontuar dhe përballur me të gjitha sfidat profesionale me të cilat në këtë rast përballet Policia e Kosovës dhe Dogana.”

Ndërsa ambasadori Delawie tha se këto pajisje të dhuruara do të rrisin kapacitetet e Policisë së Kosovës dhe doganave për të kryer vëzhgimin dhe kontrollin e kufirit dhe për operacionet parandaluese.

“Këto do tu ndihmojnë autoriteteve në luftimin e krimit dhe terrorizmit ndërkufitar dhe zbulimin e rrezatimit dhe identifikimit e materialit për shkatërrim në masë dhe materialeve të ngjashme. Sundimi i ligjit, siguria rajonale dhe zhvillimi ekonomi k janë tri prioritete e mia gjatë mandatit në Kosovë.”

Ministri i Financave, Abdullah Hoti pasi ka qeverinë amerikane për dhurimin e këtij donacioni, ka thënë se “me këtë u ndihmohet doganave të Kosovës të rrisin kapacitetet në inkasimin e të hyrave në Republikës së Kosovës. Ai tha se Dogana është institucioni më i rëndësishëm brenda vendit sepse siguron mbi 60 për qind të hyrave tona.“

XS
SM
MD
LG