Këngëtarja britanike Adele ka njoftuar përmes Twitter-it se albumi i saj i ri, i pari në katër vjet, do të titullohet “25”.
Ajo nuk ka dhënë detaje se kur do të dalë në shitje.
Këngëtarja ka fituar gjashtë çmime Grammy për albumin e vitit 2011, të quajtur “21”, dhe një Oscar për melodinë e filmit të fundit James Bond “Skyfall”.
Adele ka ndjekur modelin e emërimit të albumeve të saj në bazë të moshës që ka në kohën e krijimit.
Albumi i saj debutues ka qenë “19”.