Presidenti i Shteteve të Bashkuara, Barack Obama, ka emëruar Brett McGurkun si të dërguar të ri të koalicionit që udhëheq SHBA-ja kundër militantëve të Shtetit Islamik (IS) në Siri dhe Irak.
Emërimi është shpallur të premten nga Shtëpia e Bardhë.
McGurk zëvendëson gjeneralin John Allen, i cili ka dhënë dorëheqje pas 13 muajsh mbikëqyrjeje të fushatës anti-terroriste.
McGurk, këshilltar i Shtëpisë së Bardhë për Irakun, ka qenë zëvendës i Allenit.
Obama e ka përshkruar atë si “njërin prej këshilltarëve më të besueshëm për Irakun”.
Presidenti ka shprehur “mirënjohje të thellë” edhe për gjeneralin Allen.